//// نكت مغربية ////

قالك هدا سبيطار د الحماق طلقوهم فواحد الجردة كل واحد شنو كايدير واحد يضرب راسو مع الشجر واحد ياكل فالشجر المهم واحد طلع لواحد الشجرة و بدا جالس مشا عندو طبيب هو قرب منو و هو طاح كاو قالو اطبيب امالك قالو اخمجت



...

هادا واحد السكايري دخل لواحد البار و طلب قرعة ديال البيرا و بدا كايقول الي عندو هاشدي الي عندي ماخاصوش يدير هادشي .. من بعد 10 دقايق طلب قرعة اخرى و قال نفس الهدرة الي عندو هادشي الي عندي ماخاصوش يدير هادشي المهم تم كل 10 دقايق كايعمل نفس العملية حتى شرب شي 20 قرعة الgارسون تنوى مشى عندو قالو اشريف اشنو عندك ؟

قالو عندي 4 دراهم





...



قالك هادي واحد الطيارة هازا غير الحماق واحد كايغوت واحد كاياكل فراسو كل واحد و شنو كايعمل الpيلوط صدعوه خرج باش يسكتهم بانليه واحد جالس فواحد القنيت طرانكيل مشا عندو قالو الله يخليك شوف كيف دير سكت هادو و من بعد 5 دقايق سمع الطيارة سكتت خرج شاف لقى غير هاداك السيد الي دوا معاه قبل قالو فاين امشاو هادوك قالو راه قلتلهم الي بغا يلعب يخرج برا راكم صدعتو الpيلوط





....

قالك هادا واحد السبيطار د الحماق حطولهم كلب حاشاكم قالولهم الي عرف هدا اشناهو نعطيوه وراقيه يخرج دابا ناد كل واحد اشنو كايقول فيل-نمر-خروف...واحد قالهم كلب اعطاوه وراقيه اخرج فاش سولوه الناس باش اعرفتيه كلب قالهم راه غير كدبت اعليهم هداك راه تمساح





....

قالك هادو زوج الرجال واحد زحاف و واحد اعور مشاو يسرقو العنب من واحد الدالية اتافقو باش الزحاف يطلع يرمي و العور يجمع ناد اطلع داك الزحاف و بدا كايلوحلو العناقد المهم جمعو مزيان و قالو العور صافي باراكا يلاه نمشيو قالو الزحاف ساين نزيدو شوية جا يgلع اعتر و طاح جا بين يدين العور و هو يقولو اصافي زيد غير واحد بحال هدا و نزل نمشيو



...

قالك هادو واحد 3 المكلخين بغاو يتكيفو مشاو لدار و بداو يقلبو على البريكة باش يشعلو مالقاوهاش صيفطو واحد يجيبهالم مشا و باش ارجع قالهم مالقيتهاش قالولو جيب الوقيد مشا و ارجع قالهم مالقيتش ناد واحد فيهم قالهم صافي ادراري الليلة ماغاديش نتكيفو طفيو ديك الشمعة و دوزو تنعسو





..



قالك هادا واحد النصراني و واحد اليهودي و واحد المسلم تجامعو و شراو دجاجة ناد اتافق اليهودي مع النصراني و قالو مانوكلوش معانا المسلم النصراني قالو احشومة راه خلص فيها حقو قالو انت ماشي شغلك قول الي قتلك و اسكت فاش جا المسلم قالولو راه اتافقنا باش ماناكلوش الدجاجة حتى الغدا المسلم ماصاب مايدير كمدها و نعسو و باش وصل الصباح اليهودي قالهم انا نعست و جاني سيدنا موسى و طلعني لسبع سموات و نزلني و قالي انت خاصك تاكل ديك الدجاجة

او النصراني قالهم انا نعست و جا عندي سيدنا عيسى و طلعني لسما السابعة و نزلني و قالي انت خاصك تاكل الدجاجة اوى و المسلم دارتلو طنننننننننننن قالهم انا نعست جا عندي سيدنا محمد عليه الصلاة و السلام و قالي انت خاصك تنود تاكل الدجاجة دابا قالولو و كليتها ؟ قالهم انا مابغيتش نغدركم قلت حتى نتشاور معاكم فاش مشيت عندكم لقيتكم طلعكم سيدنا عيسى و سيدنا موسى لفوق اوا و كليتها بوحدي





...



هادا واحد مشا يضرب تلفون و دا معاه الهراوة



..

هادا واحد فالصحراء خرجتلو حية باش غادي يضربها؟

غادي يضربها بجرية







تحياتي اتمنى انها تنال اعجابكم

و راها غير منقولـــــة